渣華道違泊 長期無改善
「嗰條路咩車都會行，但又成日有車泊喺度，搞到長期冇咗一條行車線！」張先生住北角，時常駕車駛經渣華道，不滿渣華道市政大廈一帶經常有車輛違例停泊，當中不少更為大型車輛，擔心或增發生交通意外機會。
市民籲警方加強執法
警方發言人表示，東區警署十分關注區內交通情況，巡邏警員會按情況向違例司機採取適當執法行動，確保道路安全及交通順暢。發言人指出，去年十月至今年九月共接獲五十三宗有關上址違例泊車的投訴，期間共發出一百六十五張定額罰款告票，並表示會繼續密切留意上述道路的交通情況及加強執法。
張先生認為上址的違泊問題持續多時，建議警方加強執法，以保持道路暢通。「嗰度嘅違泊問題咁耐都冇咩改善，希望警方真係會再巡多啲、執法嚴啲！」