店舖敷衍 驗眼準確成疑
陳小姐早前到旺角一間眼鏡店配隱形眼鏡，期間職員僅以機器為其檢視視力，質疑職員敷衍驗眼，未有作全面檢查，「平時見視光師除咗用部機驗眼之外，仲會叫我入去間黑房驗眼，睇吓望唔望到啲細字，再用唔同鏡片度度數，但今次淨係用部機驗，都唔知驗得準唔準。」
香港眼科醫學院院長周伯展指出，全面的驗眼程序會先檢驗客人每一隻眼的「裸視力」，即無佩戴眼鏡下的視力；若客人有佩戴眼鏡，則需檢查眼鏡度數，然後再以人手或儀器為每一隻眼檢查度數，以得出「客觀度數」，「不過客觀度數只係用嚟參考，仲要用『鐵肺』或者試鏡再驗，得出埋主觀度數先知道點樣最適合被驗者。」
停戴隱形眼鏡一周先驗眼
周伯展又提醒驗眼者，若有佩戴隱形眼鏡，於驗眼前應停戴，讓眼球回復自然狀態以取得真正度數，「因為戴隱形眼鏡有機會改變咗你嘅度數，所以戴軟鏡起碼要停一個星期，硬鏡就可能要兩個星期以上。」