似搞事多過消費 旺角商戶擔驚受怕
【本報訊】佔旺兩個月已令旺角的商戶苦不堪言，清場後又晚晚被「鳩嗚」為名的佔領者「光顧」，小商戶對似搞事多過似消費的行為既擔驚受怕，又大感無奈。服飾店的譚先生指「如果有人要故意搗亂，可以有一千個藉口」，他坦言：「但佢哋要買嘢，我都無權唔做佢哋生意，都要招呼佢哋」，若情況不受控會報警。他指佔旺以來跌了近三至五成生意額，而且現時是購物旺季，故非常影響生意。「佢哋淨係識關心政改，其他事對佢哋嚟講都無所謂」。
「難聽啲講就係暴民」
眼鏡店職員古先生表示，群眾行動的確會阻礙他們做生意，他認為警方應採取行動保障小商戶，他透露其客源主要為遊客，但現時遊客很少逛旺角，佔旺行動以來共跌了近四成生意。他又指佔領行動現已發展成另一個階段，有人趁機搗亂，「難聽啲講就係暴民！」，故他希望行動盡快完結。
至於有人號召升級「鳩嗚」行動，揚言拖篋入金舖。彌敦道一間金舖的姓吳經理表示，如有人故意騷擾時，會報案處理，若情況緊急會直接按警鐘。
有市民認為「鳩嗚」幼稚：「小學雞！店舖係私人租用地方，店主可拒絕出售貨品及關閉店舖。」亦有市民認為抗爭手法與民主背道而馳：「原來爭取民主係咁！」
法律學者兼立法會議員梁美芬表示，示威者行為明顯已對店舖構成滋擾，有機會觸犯民事及刑事法，而市民集結亦可能觸犯公安條例；另外，在馬路上跌及執拾物件或金錢，亦可能違反交通規例。