公民講場：超支50億只係約數？！

港珠澳大橋香港口岸工程被揭發滯工及超支，工程造價可能大幅超支五十億元。點知運輸及房屋局局長張炳良尋日在電台節目上更加嚇人話，超支五十億元只係「約數」，當局仍在評估超支情況，但強調目前只剩下一成合約尚未批出，相信稍後向立法會提交的數字先至較為可靠同「穩陣」喎。嘩，五十億元都只係約數，如果餘下一成工程招標出咗咩問題，或是添加外來變數，工程造價隨時變成無底深潭，到頭來又係納稅人找數。