政情：佔中傷感情「史」「蔡」零交流

醫學會會長史泰祖早前否決就業界對佔領行動立場進行民意調查，仲因為咁同支持調查嘅前會長蔡堅反面。尋日史、蔡二人齊齊着黑色西裝去到金鐘佔領區，為該會下期以佔領行動為主題嘅會刊影相，雖然二人全程保持微笑，但完全零交流。當攝影師為佢哋影握手相時，史泰祖同蔡堅中間就夾住另一名醫生，結果張相變咗三個大男人握握手、氹氹轉，場面都咪話唔尷尬。拍攝完畢後，在場記者邀請二人一齊接受訪問，但蔡堅就趁史泰祖答緊問題時靜靜雞走人。正如史泰祖話齋，呢場佔領行動唔單止令社會撕裂，仲令佢同蔡堅嘅幾十年交情撕裂。