政情：陳維安一手夾七磚

形象斯文嘅立法會秘書長陳維安（Kenneth），估唔到身手都幾敏捷。日前佢出席一個晚宴時，臨時被捉上台玩雜耍，Kenneth氣定神閒大方接受挑戰。個遊戲係要佢單手拎木磚，再逐塊加上去，睇吓最多可以夾到幾多塊木磚而唔會跌。Kenneth即學即用，結果成功夾到七塊，都算厲害。唔知係咪因為佢讀過應用數學，所以識得計算當中要用嘅力學而捉到竅門？Kenneth就笑稱唔關事，只係好彩喎。