「佔領中環」行動自星期日「騎劫」學生罷課，宣布提早發起「去飲」後，愈來愈多市民到金鐘政府總部附近一帶集會，將中環干諾道中、金鐘夏慤道以至灣仔告士打道都佔領埋。警方施放催淚彈後，雖然專上學生聯會呼籲示威者撤退，但示威者就唔聽佢哋支笛，自行佔領銅鑼灣及旺角。不過，發起罷課嘅學聯秘書長周永康、學民思潮召集人黃之鋒及佔中召集人戴耀廷，都話佢哋決定唔到幾時完結佔領行動喎。唔係吓話？「飲宴」個頭係你哋開嘅，無理由開咗席叫晒啲人「去飲」，事後唔使埋單找數嘛？
