政情：張宇人減磅迎戰財委會

食好嘢體重飆

做財委會主席點解同減肥有關？Tommy解釋話，前年出任財委會主席時，個個朋友都擔心佢太辛苦，經常請佢食好嘢，食完好嘢又飲靚酒，搞搞吓體重就直線上升，所以過去幾年嘅最重「分量」時間，正正係做緊財委會主席嘅時候。

不過，Tommy都未做財委會主席，點解要先減磅呢？原來Tommy話過多幾日約咗班老友飛去法國波爾多飲靚酒、歎美食，到時一定肥好多，所以呢幾日要先下苦功，就算喺法國大吃大喝都有啲位走盞。

無論點都好，財委會好快就開波，頭兩項撥款係廚餘中心及三堆一爐，相信單係呢兩項撥款都足以令Tommy夠晒頭痛，食定多啲補品都唔係壞事。