葵涌：石蔭路多違泊 巴士難行
違泊問題長期未有改善，警方執法效力成疑！居於葵涌的鄭先生發現，入夜後常有車輛於北葵涌街市卸貨區對出一段石蔭路違例停泊，阻礙其他車輛駛經，「附近就係巴士站，咁多違泊真係好阻住啲巴士駛過！」另一投訴人陳小姐（化名）亦指上址違泊情況長期未有改善，更不時有受阻司機需響號催促違泊司機讓路。
警方三個月發350告票
警方發言人表示，葵涌警署一直有派員巡查上址，並檢控非法停泊人士，過去三個月共發出逾三百五十張告票。警方會繼續密切留意情況，如發現有違例事項，將採取適當檢控行動。
「警方真係要正視嗰度嘅違泊問題，畀番條車路嚟行！」鄭先生希望警方加強執法，打擊違泊行為，嚴厲執法及檢控違規人士。