政情：公民講場：鬍鬚曾網語 藉債券銷政改

財政司司長曾俊華（鬍鬚曾）近排經常不務正業，多次透過每周發表嘅網誌大談政改。上周市場憂慮美國會提早加息，港股連跌多日，同時本港樓價卻不跌反升，泡沫風險日增，但鬍鬚曾喺尋日發表嘅最新網誌中，隻字不提呢兩大財金熱門話題，反而藉着介紹上周三港府首次發售一批伊斯蘭債券，暗喻發展香港金融市場同推動政改一樣，「只要方向正確，一步、一步走下去……總會累積到豐碩的成果」，又強調喺「等候飛躍進展的出現、忘記放步前行，最終可能一事無成」喎。唔知鬍鬚曾真係搵唔到其他題材寫嘢，定係另有所圖趁機向阿爺交心呢？