政情：美容天后「民調」 護士教師最唔開心
香港人壓力大，做邊行最唔開心？「美容天后」曾裕（Joyce）就話，護士及教師係最辛苦行業。事關佢做美容呢行，成日同客人一邊傾偈一邊做療程，發現呻最多苦水的客人就係做護士或教師，有啲人仲講到流眼淚添！
聽聽埋埋客人吐苦水
早前國際美業評審總會舉行就職典禮，美容界人士齊聚。Joyce都有到場，佢話做美容呢行好有趣，平時聽聽埋埋客人吐苦水，佢哋發現呢兩種行業最辛苦。因為護士人手短缺，經常一個人對住幾十個病人，壓力好大。至於教師面對香港教育制訂幾年就大改，改到家長及學生都癲，何況係老師？聽落呢個另類調查都幾準喎！
總會會長朱雯迪就話，總會致力推動美容師取得專業認可，以便持續進修，亦係配合政府推出的資歷架構。