女仔覓得如意郎君，最怕就係有第三者出現從中破壞，但呢啲小三經常防不勝防，好似嚟自帝濠桑拿嘅小小就遇上咁嘅煩惱，我哋搵嚟玄學家替小小指點迷津，揭示玄學中邊三個生肖女仔最喜歡做小三，等佢有所防避！
師傅話屬蛇嘅囡囡，性格任意莽為，愛做乜嘢就做乜嘢，完全隨喜惡做事而不理後果。小小話：「我有個朋友真係咁樣，佢見到喜歡嘅男性就要追到手，唔理佢有冇女朋友或者太太，但最估佢唔到，就連好姊妹嘅另一半，都一樣唔放過，而且仲唔係一次，好似你第一個男友畀佢搶咗，當你識第二個時，佢會照樣去搶，第三個出現時，佢亦一樣唔放過，而且手段層出不窮，令你提心吊膽，所以身邊有屬蛇嘅女仔，千萬咪介紹你男朋友畀佢認識呀！」
屬牛嘅女仔性格善良，但原來佢一係唔愛，一愛上你就會一意孤行，天打雷劈佢都唔會放手，誓要把愛人搶到手為止。小小話：「我嘅前度就係畀屬牛嘅囡囡搶走，呢個囡囡唔係我朋友，而係我前度嘅同事，佢兩個喺公司認識，由於我前度好關照佢，所以佢就愛上咗佢，後嚟千方百計接近我嘅前度，有一次公司宴會完佢仲借醉行兇，剝光豬色誘我前男友，我男朋友一時不慎就上咗當，自此就不斷要挾佢，前度最後鬥不過佢，決定同我提出分手！」
屬雞嘅女性，天生就有極強破壞力，就算存心做好事，都會好事變為壞事，經常愈幫愈忙，愈做愈錯。小小話：「我剛剛出嚟做嘢嘅時候，同一個屬雞嘅姊妹好好朋友經常出雙入對，後嚟我拍拖，我都不時同埋佢一齊出去，後嚟我有一段時間工作好忙，佢主動答應幫我睇住我男朋友，點知佢成日爆料，講咗我好多唔應該講嘅事，搞到我男朋友對我愈嚟愈討厭，之後識嘅男朋友只要一畀佢認識，就肯定唔會有好結果，所以大家真係要留意一下！」
年齡：20歲
三圍：34-23-34
異性運：虎、馬、羊
桃花運：牛、雞、豬
和合運：兔、龍
撰文：小德
攝影：阿生
玄學提供：寶源師傅