政情：史美倫憶留美 「返學不罷課」

「最緊要向前走」

史美倫認為，學生有「激情」係可以理解，並透露七十年代留學美國期間，身邊好多同學都因為越戰而痛失至親，後來部分學生發動罷課，要求美方結束戰事。不過，史美倫自言當年作為海外留學生，好實際地認為畀咗學費梗係要上堂啦，所以堅持唔參與罷課，仲話美國政府唔會因為學生罷課而實施唔同嘅政策。

講起政改，身兼港區人大代表嘅史美倫上月亦有列席全國人大常委會會議，佢坦言人大嘅政改框架的確有優化空間，但目前唔係追究責任嘅時候，最緊要「向前走」。