柴灣：公廁維修 推遲至年底竣工
「印象中個公廁都整咗成三個月，唔知點解咁耐都未整好？」蔡先生指寧富街公廁毗鄰港鐵站及公共小巴總站，一直為不少柴灣居民大開「方便之門」，惟翻新工程歷時數月仍未完成。經了解，告示所列預計竣工日期，未料發現工程已被延長，「就咁黐塊紙皮上去就延遲完工，依家細路仔玩泥沙呀？」
食物環境衞生署發言人未有回應工程是否逾期，僅稱涉事公廁於今年五月開始翻新，目的為改善設計及設施。發言人補充，工程預算為四百七十萬元，預計可於今年年底前完工。
「食環要睇緊少少」
「雖然工程係由建築署負責，但係始終都係由食環署管理，食環真係要睇緊少少，唔好成日畀人當係水魚！」蔡先生指食環署對公廁管理責無旁貸，促請加緊監察，以減少對市民造成不便。