渡海濠情：嫁去韓國美女愛生B
韓國有研究機構指出，當地已婚人士嘅平均生育率不斷下降，在全球224個國家中，最低生育率排行第五位，長此下去，估計到咗2750年，南韓人就會絕種，嚟自大富豪桑拿嘅小花就話：「畀我嫁南韓偶像，我一定會生仔！」
本利歸還
小花話：「我最喜歡南韓嘅歌影視紅星，除咗晚晚追韓劇，日日聽韓歌之外，一年仲會去兩三次韓國追星添，佢哋嘅演唱會、簽名會同發布會等，只要我有錢有時間，都一定會去捧場，為咗見佢哋一面，真係使咗唔少錢，如果佢哋求其一個靚仔話肯娶我，我一定會即時答應，嫁去南韓，佢要生幾多個就生幾多個，我一定唔會詐型，就算佢哋唔想生，我都一定會生，因為除咗盡妻子嘅責任外，仲替南韓增加出生率，唔畀佢哋滅絕，由於佢老竇有優良基因，我都想生一班超靚仔或超靚女嘅第二代出嚟，之後以佢老竇嘅威名，繼續喺娛樂圈發展，到時我就做星媽，同個明星兒子呢度去嗰度去，到時諗起都開心，最重要韓風有排紅，我家陣使去嘅錢，到時一定本利歸還！」
妥妥當當
咁都畀你諗到，真係服咗你！但你嫁畀外國人，唔怕溝通唔到咩？小花話：「我日日都睇韓劇，都識幾句簡單嘅韓文，所以同佢哋溝通，絕對冇問題，當然講啲深奧嘅嘢就一定聽唔明，但仲好，佢哋想教訓你，你都聽唔明，而且做人老婆，愈講得嘢少，愈受老公歡迎，加上我夜晚服侍得佢妥妥當當，我哋感情一定冇問題，而且最重要嘅係，如果佢係大明星，佢喺屋企嘅時間就會好少，返嚟唔係食飯就上床，呢兩瓣嘢我都係專家，所以一定滿足到佢。反而日後照顧小朋友就要花啲心思，因為要教小朋友講中文，唔係日後點聽我支笛呀！但呢啲都係日後嘅事，目前最緊要就係多啲去歌迷會，等我多啲機會接觸偶像，但冇錢點算好呢？惟有努力工作啦！」
小花Profile
年齡：21歲
三圍：34-24-34
撰文：小德
攝影：阿程