政情：五百個未來月餅 樹根「報住先」

樹根九月一日申報分別於上月三十日同尋日，獲煤氣公司及中國商業管理顧問學會，分別贊助八百個及五百個月餅，贈送予柴灣興華二邨、峰華邨及景翠苑嘅長者。樹根話，負責幫佢申報嘅職員放大假，唔知係咪咁樣，所以要「報住先」。樹根仲講笑話，如果唔見咗啲月餅，佢點都會出錢補番數喎。

於公民黨「地盤」挑機

除咗「報住先」，我哋仲睇到另一個「亮點」，就係佢送月餅嗰三個屋苑，都係公民黨東區區議員黎志強嘅選區。消息話樹根派咗社區幹事挑戰黎志強，早前更喺嗰度開咗立法會議員辦事處，睇嚟黎志強競逐連任隨時打硬仗。