中環出更：青聯換屆啟剛冧莊主席

啟山仲話，由於今年霍家多咗一個新成員第一次過中秋，所以即使佢哋十幾年冇玩過燈籠，今年可能會買番個送畀侄仔，等姪仔感受吓傳統中秋節係點樣。

狂掃燈籠與兒慶中秋

不過，啟剛就話自己已經買咗十幾個燈籠畀囝囝玩喇，仲連同無限父愛一齊送上。新任常務副主席范駿華就話，中秋都會同家人齊齊食團圓飯，享受家庭樂。

霍啟剛（左）及范駿華拍住上，推動青年事務。（葉華英攝）

霍啟山（左）及啟文自小過中秋節就已經一齊玩。

講到未來一年喺青聯嘅工作，范駿華就躊躇滿志，希望多啲同年輕人溝通，嚟緊會以十多人一組嘅形式加強與青年對話，將工作變得更仔細。

女成員喜事接二連三

至於青聯女成員方面，好消息接二連三，卓妮一口氣見到三位靚女一齊交換佗Ｂ心得，分別係即將於十一月生Ｂ女嘅成員梁煒茵、預產期明年一月嘅常務會董吳嘉汶及明年二月分娩嘅會董彭蘊萍。雖然懷孕時期要盡量遠離化學物，但三位女士化淡妝一樣明艷照人。

卓妮