政情：公民講場：破壞紅樹林 鄉民「迫不得已」？

東涌大蠔灣村民日前被指使用挖土機破壞部分受法例保護嘅紅樹林，新界鄉議局副主席林偉強尋日就喺電台節目上話，雖然佢唔認同村民呢種行為，但政府將鄉民嘅私人土地列作「具特殊科學價值地點」，咁做會令村民興建丁屋或復耕都受到掣肘，所以佢明白村民嘅情緒，「迫不得已」先至出此下策，換取政府重視。其實「佔領中環」三子都話政改方案不符國際標準就要佔中公民抗命，咁村民犯法同佔中又有乜分別呢？唔知林偉強又會唔會話佔中係「迫不得已」呢？