食肆霸後巷切菜欠衞生
「做飲食最忌就係唔衞生，但呢間外賣店居然將啲菜放喺地下切，有個人仲一路叼住煙一路切，啲煙灰係咁跌落啲食物度！」李女士不時行經大埔運頭街，發現有食店竟於後巷處理食物，除將食材及大量雜貨箱置於地上霸佔行人路外，更有職員邊吸煙邊切食材，有欠衞生。
食署已檢控負責人
食環署發言人證實，有關店舖持有食物製造廠牌照，職員巡查時發現有人佔用後巷處理食物，已檢控負責人，負責人隨即應部門人員要求移走後巷用具及雜物。發言人又稱，過去一年曾接獲一宗相關投訴。
李女士認為食物安全與市民健康息息相關，認為食環署作為監察部門，應緊守崗位，平日亦要主動巡查食肆及執法，「其實都唔係第一次見到有呢個問題，啲嘢係食落肚，食環署可唔可以着緊啲，唔好下下等市民投訴先做嘢？」