政情：今日你上鏡：戴古董鏡的「人」

立法會議員張宇人（Tommy）尋日就戴咗副Cartier（卡地亞）太陽眼鏡去深圳出席政改座談會，除咗被部分男議員評頭足外，仲被女議員蔣麗芸（Ann）笑佢副太陽眼鏡個款式好舊，係「古董」眼鏡。不過，Tommy就冇嬲阿Ann，仲直認不諱話真係「古董」。原來Tommy喺一九八四年用一千七百元購入呢副太陽眼鏡，足足有三十年歷史。佢仲自爆呢副眼鏡原本係近視眼鏡，但後來有老花，又唔想嘥咗幅眼鏡，先攞去眼鏡舖改裝為太陽眼鏡，真係夠晒環保，物盡其用。