街市檔違規 肉檔賣藥材 菜販賣糕點 易交叉感染
街市檔戶違規售賣食物亂象遍地開花，食環署再被質疑把關不力！有市民發現大埔墟街市有檔戶售賣未經許可食品，包括菜檔與燒味店分別售賣糕點及鳳爪，觀塘瑞和街街市亦有肉檔被揭違規售賣蔬菜。立法會議員狠批食環署失職，要求檢討現有規管機制及罰則，以增阻嚇力。
「電視廣告都有話生同熟嘅食物就算喺雪櫃都要分開擺，唔係就會交叉感染，點解會有啲瓜菜同生豬肉會放埋一齊？」觀塘居民黎小姐經常到瑞和街街市購物，早前發現有肉檔公然出售蔬菜、中藥材五指毛桃等，卻未見有包裝分隔，向食環署投訴後情況依然，「你叫得做食環署，點解食物同衞生都好似唔想理咁？」
商戶直認「唔賣得糕點」
無獨有偶，大埔居民李先生亦指大埔墟街市管理混亂，不少檔戶公然牴觸租約條款，出售未經許可食物，「有菜檔賣牛奶、香蕉，又有燒味檔就賣齋、鳳爪，真係七國咁亂，好似無王管咁！」記者實地視察時，有菜販對違規出售糕點直認不諱，「呢啲嘢我哋唔賣得，所以要放喺最入面個雪櫃度，你要就攞畀你。」
食物環境衞生署發言人證實，大埔墟街市有食物類濕貨檔、乾貨檔及燒味滷味檔違規，已發出警告或警告信，過去一年發出九個警告及一封警告信。至於瑞和街街市肉檔則未出售蔬菜，只是毗鄰菜檔將蔬菜貨架放於肉檔工作枱旁，已飭令負責人將貨架搬回攤檔範圍。發言人稱街市攤檔租約條款列明可售賣的貨物種類，如有違反將發出口頭警告或警告信，若無改善會考慮終止租約。
但黎小姐反駁食環署，「我見過有人問肉檔老細啲黃瓜幾錢，佢都會照答，同埋係直頭放上豬肉枱，唔係話隔籬檔放過界咁簡單。」
「蔬菜、藥材同肉類放埋一齊就有機會引起交叉感染，豬鏈型球菌有可能會引致肺炎同腦膜炎；奶類食品係好多細菌孳生嘅溫床，儲存不當都有機會導致食物中毒。」家庭醫生關嘉美警告，若食物存放不當，市民進食後會有損健康。
議員促食署檢討機制
立法會食物安全及環境衞生事務委員會委員王國興認為，食環署對保障食物安全責無旁貸，要求嚴加執法，保障市民健康，「食環署連自己管轄範圍都管唔好，點為全港食物安全把關？食環署係咪應該諗下，淨係警告而唔檢控係冇阻嚇性嘅呢？」王要求該署檢討現有規管機制。
記者︰呂耀焜
攝影︰伍思明、詹海萍