信用卡免年費 銀行突「反口」
「我好多年前申請嘅時候明明話永久免年費，即係我一日唔取消張卡，我呢世都唔使畀年費，點解依家可以反口，咁就唔好呃人話永久啦！」梁先生於○八年申請星展銀行信用卡時，銀行聲稱為永久豁免年費，惟近日接獲銀行通知，指信用卡將由今年九月開始收取年費，梁不滿銀行「反口」，有欺騙客戶之嫌。
星展稱酌情處理
無獨有偶，張先生十多年前亦在星展銀行成功申請一張永久免年費信用卡，惟最近卻發現被收取年費，投訴後獲覆可豁免今年年費，「當初明明話係永久，依家就要我跟佢指示打電話去求佢豁免，我照做咪即係認同佢做法，咁唔係違反合約精神咩？」張已決定不再續用該行信用卡。
星展銀行發言人未有回應更改永久豁免年費安排的原因，僅稱該行已透過電話及書面回覆梁先生，經管理層考慮後，已酌情處理其信用卡的永久免年費安排，個案已經解決。