外號「周一鑊」嘅平等機會委員會主席周一嶽，早前提出要檢討現行四條反歧視法例，包括研究係咪保障埋不分性別嘅「事實婚姻」。十三個支持一男一女、一夫一妻價值觀嘅團體尋日召開聯合記者會，狠批平機會及周一鑊以「偷雞摸狗」嘅手法僭建歧視法，假借檢討為名推動同性婚姻立法，強迫全港僱主以至整個社會認同同性戀及同居關係，要求佢立即下台。講到偷偷摸摸，周一鑊當年做高官時已經係咁，政府冇帶眼識人「翻閹」佢做平機會主席，終引發社會強烈反彈，絕對係自作自受，唔抵可憐！
