政情：八網難逃：潘佩璆怕輻射 向日本說不

潘佩璆透露，其實佢同佢屋企人，以前都不時有去日本玩，貪日本治安好，而佢又好鍾意食壽司同刺身，但自從福島事故後，佢哋一家唔止唔去日本，並已完全戒食日本嘢。本身係醫生嘅佢又話，兒童身體對輻射特別敏感，所以佢連買零食畀孫仔，都要睇清楚原產地唔係日本先買。佢認為特區政府應該深入研究，並公布各類日本進口食品、到日本各區旅遊、以至喺日本短、中、長期生活嘅風險，等香港人諗清諗楚，再決定係咪再幫襯日本。