【本報訊】雖說打工仔志在「搵兩餐」，但一個不小心「開口夾着脷」，講錯說話開罪老闆，分分鐘飯碗不保；同樣身為上司若不善辭令使人受氣，員工隨時執包袱走人。聖雅各福群會邀請資深人力資源顧問研究出「職場最常犯錯的十句說話」，員工說「次次都係我等」，上司說「快手啲得唔得？好得閒呀？」都會成為爆發職場衝突的炸彈，專家建議語言溝通要有藝術，勞資雙方均能避免禍從口出，更有助加強團隊精神。
打工仔容易「頂撞」老闆的例子，當中包括「你都要畀時間我check先得o架大佬！」、「次次都係我」等，資深人力資源顧問謝曉丹認為這些說話未夠圓滑，建議善用「語言藝術」，如遇上上司催促工作進度時，下屬可提議給予多一點時間跟進。
同樣地，上司不懂把說話包裝「出街」，難免令下屬谷到一肚氣，謝曉丹發現一些上司埋怨下屬工作效率時，會把「快手啲得唔得？好得閒呀？」掛在嘴邊，專家建議更改說話態度，如改說「可唔可以幫我完成咗呢份先呢？」此外，同事之間亦需避免發放負能量，任何充滿不信任的對話，例如「你會唔會跣我o架？」，均容易激發衝突。除達致溝通到位，謝認為打工仔應做到「主動、盡責、誠實」，有助個人前途發展。