私家車位 密斗照違泊
「明明就有晒標誌，講到明密斗車唔泊得喺度，但就冇人理，晚晚都照泊喺度！」大埔居民劉先生指，魚角村劃設私家車泊位，惟不時有貨車在上址停泊，令駕駛人士大感不便，「就算有入錶都唔泊得喺度啦，同埋啲貨車頂到實一實，就算泊到位，都要扭幾手軚先出到去！」
警方去年發22張罰單
警方發言人證實，過去一年就涉事地點共接獲九宗違例泊車及兩宗車輛阻塞報告，期間共發出二十二張定額罰款通知書及一個口頭警告，並將繼續留意有關情況，採取適當行動以保持交通暢順及道路安全。
劉先生要求警方多加執法，免令區內私家車車主誤墮法網，「附近本身已經唔夠車位，分唔同泊位就係為咗分流，唔好再搞到我哋焗住泊行人路，畀人抄牌就真係無辜！」