渡海濠情：臭氣來襲 情緒失控
英國有研究指出，人體時不時放吓屁，對身體健康有一定幫助，由於屁內有硫化氫，能刺激人體酵素對抗疾病攻擊，減低患病風險，嚟自富城會嘅文文就話：「原來放個屁都有用！」
欲罷不能
文文話：「我自己腸胃好好，所以好少放屁，就算偶爾放吓，但都要保持儀態，好少放出聲，而且最好係冇乜味道。但我啲男朋友就好誇張，佢哋啲屁又響又臭，有時佢哋喺廳放屁，我喺房裏面都聽得到，更係臭到不得了，屋企就算開緊冷氣都好，都要即時開窗嚟散咁啲臭味，但最乞人憎就係佢哋竟然喺親熱緊嘅時候放屁，剛剛開始都仲好，可以一腳踢開佢，但如果已經到咗重要一刻，你話推開佢又唔係，繼續又唔係，真係好鬼討厭！」
不明氣體
叫你男朋友便便完至好親熱！文文話：「我都試過，例行公事就可以啫！有時情到濃時，突然有需要，但佢就突然嚟料，真係大殺風景，有一兩次臭到真係無法繼續，但佢哋仲笑笑口問好臭咩？你話係咪畀佢哋激死吖！有一次我哋去外地坃，返到酒店親熱，佢條衰佬放個無聲屁，我突然聞到怪味，仲以為有不明氣體洩漏，衫都唔着披條毛巾就疏散，後嚟佢拉住我話臭味係佢發出嘅，我真係好想打佢一身，以洩我心頭之恨呀！」
文文Profile
年齡：21歲
三圍：33-24-34
撰文：小德
攝影：阿程