立法會議員近日被揭發申報每月酬酢及交通開支「舔到盡」，除咗捲入政治獻金醜聞嘅民主黨涂謹申外，仲有工聯會六位議員，每月都申報一模一樣嘅「齊頭數」。工聯會六位議員不約而同每月都係用一萬五千九百六十七元，工聯會黃國健解釋，大家條數一樣係方便工聯會會計部造數，呢個答案都好老實不客氣喎！至於涂謹申仲犀利，連五毫子都「舔」埋，每月申報開支一萬五千九百六十七元五角。嘩！有無咁巧合呀？好似叫餸食飯咁，話佢唔係連碟汁都舔埋都無人信啦！
