陳樹英話，民建聯巫成鋒自上屆區議會選舉後一直留守當區，繼續用屯門婦女會名義服務區內居民。不過，近來屯門區議會委任議員雲天壯又喺兆康區附近屋苑開辦事處，兩人加埋有成四個地區辦事處，覺得擺明就係衝住佢而來。聽落真係好笑，選舉就係咁啦，唔通等你自動當選咩？
卿姐寸爆黨友狄志遠
另外，黨主席劉慧卿喺會後強調，該黨唔會接受任何「袋住先」嘅政改方案，亦都唔會投票協助政府通過任何不符國際標準嘅政改方案，但表明樂意同中央官員溝通。至於該黨黨員狄志遠日前批評自己個黨「兩面不是人」，卿姐寸爆對方甚少出席黨內會議，如果唔清楚黨嘅立場，歡迎隨時聯絡佢喎。