沙田：遊樂設施損毀 房署維修慢
「個遊樂場好多小朋友玩，但幾個月前房署已經擺啲欄杆封咗、唔畀人入去，我哋又唔知壞啲乜！」陳太指出，沙田秦石邨石晶樓旁設遊樂場，滑梯自數月前遭鐵欄圍封，惟經常有小朋友如常進內玩耍，擔心會發生意外，居民曾多次向房署反映仍遲遲未見維修。
稱訂購配件需時
房屋署發言人表示，屋邨辦事處為公眾安全而圍封上址，以便工程人員安排檢查。經檢查後發現滑梯有部分配件需作更換，由於訂購配件需時而未能即時進行維修。所需配件早前已抵港，維修工程亦已展開，待驗收後遊樂場設施會重新開放。
當區區議員陳諾恒稱，早在三個月前已要求房署盡快維修，「佢哋嘅態度一直懶懶閒，要三催四請先肯維修，真係好過分！」陳又對「配件訂購需時」真確性表示質疑，要求房署就事件作出檢討。