憑一首兒歌《小明上廣州》走紅嘅兒科醫生李家仁（小明），最近跳出兩岸四地，遠赴歐洲荷蘭遊歷。佢日前抵達阿姆斯特丹後，隨即驅車去到海牙，喺海牙國際法庭外留影，期間仲學啲後生仔女咁玩自拍。玩到肚餓，小明就到附近酒店食自助早餐，然後再觀賞海牙最有名嘅三百六十度大油畫。小明其後再轉往鹿特丹，登上觀光塔一覽全巿風光，晚上再喺酒店歎海鮮大餐，加上有良朋好友陪伴，小明形容呢晚係好難忘嘅一夜。唔知小明今次玩轉荷蘭之後，返港後會否又自填自唱番首新歌《小明去荷蘭》呢？
（互聯網）
