排檔嚴重傾斜 隨時倒塌
李先生不時途經旺角廣東道，約於一個多月前已發現有相鄰排檔呈傾斜狀態，擔心排檔與貨物重量增加後會加劇排檔倒塌危機，不滿負責管理排檔的食環署管理不力，置市民安全於不顧，「得嗰四支鐵枝撐住成個排檔，依家斜到啲鐵枝都離晒地，排檔就擺喺行人路邊都冇人理，係咪要冧咗落嚟砸親人先去補鑊？」
食署稱已要求持牌人維修
食物環境衞生署發言人表示，先後接獲本報及1823轉介相關投訴，發現有關排檔早前遭一宗交通意外波及，導致排檔有輕微損毀及移位，但未有造成即時危險，已要求攤檔持牌人盡快安排維修。發言人續稱，近日再有另一排檔受交通意外波及而出現傾側，已安排攤檔持牌人將損毀的構築物拆走。
「斜到咁都話冇危險？係咪真係要砸親人先叫危險？」李先生認為食環署對事件責無旁貸，要求當局盡快修正傾斜排檔，確保市民安全。