政府總部東翼前地「公民廣場」突然圍封進行加設圍欄工程，以增強保安，防止再有類似反對新界東北發展嘅衝擊事件發生。不過，立法會內務委員會主席梁君彥尋日在電台節目上言之鑿鑿話，加設圍欄措拖或為戒備內地疆獨分子來襲，仲話近日內地恐怖襲擊事件已蔓延至廣州，有消息話本港保安界人士已有所戒備。莫非佢收到更可靠嘅消息？不過，如果真係有恐怖分子來襲，加設圍欄真係有作用？似乎想信用作防止示威者衝擊嘅機會較大。
