政情：今日你上鏡：應耀康「佩服」栢志高心廣體胖

今年四月初上任房屋署署長兼運輸及房屋局常任秘書長嘅資深政務官應耀康（Stanley），尋日出席房委會公開例會，首次在大會上公開發言，外表幾嚴肅嘅佢無啦啦喺開場白度講冷笑話，話好「佩服」前署長栢志高身兼兩職之餘，仲要處理買家印花稅及十五年一遇嘅長策諮詢，且喺繁重工作壓力下都可以保持心廣體胖。唔知佢係想寸栢志高hea住做唔夠落力吖？定係想自呻接手後好多嘢要做呢？佢又話，栢志高好識唱歌，但佢就保證唔會唱歌喎。咁又係，如果歌喉麻麻，又唔夠氣嘅話，就無謂獻醜啦！