政府尋日失驚無神宣布喺政府總部外嘅公民廣場加建圍欄，以加強保安，實情係火上加油！立法會議員何俊仁（AV仁）即時鬧爆政府決定係「極低能」兼唔理性，形容市民喺政府總部門外表達不滿係有象徵意義，批評政府連市民想「洩吓氣」都唔畀，揚言「香港就會爆炸o架喇！」，要求政府立即撤回決定喎。唔通AV仁係向政府發出最後通牒，否則佢會引爆香港？其實係都唔出奇，事關AV仁用平板電腦睇咁多性感艷照，唔睇到連人帶機一齊過熱爆炸就奇啦！
