政情：公民講場：釋例冇準則 廢鑊博出位

平等機會委員會主席周一嶽（周一鑊）前日公布檢討《歧視條例》諮詢公眾三個月，重點討論擴大條例涵蓋範圍至新來港人士、個人遊旅客、性小眾人士甚至新界原居民，上任幾個月就要攞威博出位，不惜四處辣火頭。不過，周一鑊尋日出席電台節目時，簡單至內地人被罵「蝗蟲」算唔算歧視，佢都只係話唔能夠一概而論；咁政府推出「限奶令」又算唔算觸犯條例呢？佢亦只係話，假如「限奶令」有某啲凌駕因素，或政府有足夠解說就未必犯法。周一鑊解釋條例毫無準則，咁含糊，唔怪得佢做食物及衞生局局長時做到亂晒龍，經常爆鑊喇！