【本報訊】救人立功的女鄰居憶述，昨晨返家目睹疑犯與女生在走廊傾談，初時以為他們相識，但當她出門扔垃圾時，聽到有人稱：「入嚟啦，我畀咩你啦，閂門入嚟坐下啦……我畀個電話你，唔鍾意呢個送第二個啦」，而女生曾一度回應：「我夠鐘返學啦」。
女鄰居表示：「我都估到佢想氹細路女，我特登開大電視聲，等佢知道我都有留意，仲喺門口講『唉，又係呢啲招數！』，諗住講畀女仔聽，點知個女仔愈企愈耐。」兩分鐘不到，她擔心女生安危，再出門查看，發現女生已在屋內，當疑犯發現她在屋外，立即關門，她心感不妙，立即通知保安員。
女鄰居嘆指：「迫於無奈同佢做咗鄰居咁耐」，當年遷入前，房署曾告訴她該層有住客有不良嗜好，惟她當時心急上樓，只好答應。豈料，之後不斷受到對方滋擾，曾試過半夜三更到她單位外，呼喊「埋嚟啦！」，又試過開着門，卻向她求助稱無鎖匙開門。同層蔡姓男住客也稱，疑犯經常半夜三更滋擾他，曾隔着鐵閘向他吐口水，他於五月尾已申請調遷，昨晨警方借用其單位監視疑犯單位，曾聽到警員在電話中安慰女生。亦有指疑犯於邨內曾舞刀惹事。深水埗區議員梁文廣稱，一年前接獲住客投訴，疑犯亦曾到其辦事處吵鬧。