鐵皮屋冷氣機搖搖欲墜
深水埗區樓宇密度偏高，僭建物卻同樣觸目皆是，途人行經亦步步驚心。「呢啲鐵皮屋本身就已經係唔合法，得嗰幾條支架撐住成間屋，有啲仲要喺外牆裝咗冷氣機，如果冷氣機裝得唔穩跌咗落街，就真係死得人多！」周先生每天均會行經汝州街，發現有大廈平台僭建多間鐵皮屋，擔心冷氣機鬆脫及墮下會傷及途人。
市民促屋署盡快取締
屋宇署發言人指，上址大廈平台有若干單位搭有僭建物，已向其中一個單位業主發清拆令，亦將按序向另一單位業主發清拆令，並會繼續跟進。
「條街日日有咁多人行，屋宇署係咪要等到有人畀冷氣機揼死先做嘢？」周先生不滿屋宇署取締僭建物進度緩慢，罔顧市民安全，要求盡快檢討及加強執法。