政情：公民講場：戴陳論清場自相矛盾

警方尋日凌晨在中環遮打道出動三千警力，破天荒抬走五百幾名留守遮打道嘅示威者。事後有人批評警方出動過多警力，但勢估唔到佔中三子入面，就有唔同睇法。三子之一嘅陳健民話，學生表現和平，質疑警方出動不合比例警力。點知戴耀廷就唔係咁諗，反而話以現場警力同清場速度計算，就算發動萬人佔中都唔會對社會秩序同經濟構成影響。問題就喺呢度，點樣可以唔出動咁多警力而又清場清得快呢？所以佢哋都好矛盾，睇嚟應該參與學生預演佔中會了解多啲。