消費者委員會前總幹事劉燕卿（Connie）今年四月「重出江湖」出任申訴專員，雖然曾經被質疑冇官場經驗，但佢上任未夠三個月已經有貨交，「頭炮」係主動調查食環署等政府部門對規管店舖阻街各自為政、執法優次不一，而旺角花墟雖然被列為酌情區，容許店舖向外延伸三呎開檔，但申訴專員公署依然發現有店舖超過酌情範圍，形容呢啲店舖「得寸進尺」。Connie本身有消委會背景，如果政府部門日後想「走精面」，做事得過且過，相信更加難逃佢法眼喇！
