油麻地：天橋底變垃圾崗 臭氣熏天
天橋底變果欄垃圾崗！「日日都係咁，啲垃圾堆到成座山咁，仲有好多爛生果，唔單止惹蚊惹老鼠，仲搞到嗰度臭氣熏天，投訴極都係咁！」居於油麻地的謝先生不時行經油麻地果欄，發現加士居道天橋底近年已成為棄置垃圾黑點，每日早上均有食環署垃圾車到場收集，惟不消一會垃圾又再堆積，謝不滿嚴重影響環境衞生。
食環署發言人指，承辦商的垃圾車每天到上址清理垃圾兩次，接獲本報轉介後，該署已提醒承辦商須定時清理上址垃圾。由去年一月至今，該署接獲兩宗有關投訴，同期則未有提出檢控。
市民促檢控阻嚇
「清兩次真係唔夠，最重要係掉垃圾嘅人自律，爛生果唔袋好，就咁掉到一地都係，真係好冇公德心！」謝先生認為食環署除要增加收集次數，亦應檢控胡亂棄置垃圾人士，以增阻嚇作用。