濾水廠滲漏 逾周未修妥

疑假日無人整 變迷你瀑布

「呢排水務署賣晒廣告叫人珍惜食水，點知爆水管咁耐都冇人嚟整，見啲水係咁流出嚟，真係好折墮！」北港村村民蘇小姐指出，日前發現村口附近的北港濾水廠門外有大量食水從地面湧出，儼如「迷你瀑布」，懷疑當晚全村食水突然斷供與此有關。蘇指村內供水雖於翌日回復正常，但濾水廠門外的滲漏卻一直未見解決，「我記得嗰幾日係端午節前後，但漏水漏得咁緊要，冇理由因為假期就唔派人嚟整？」

水務署發言人證實，北港濾水廠外一個直徑三百毫米的閘掣日前出現滲漏，該署已於翌日進行臨時改善工程，並積極跟進相關維修工作。同日西貢北港坳供水系統亦出現故障，令區內多幢樓宇的食水與沖廁水停止供應。

北港濾水廠有多年歷史，區議員直指事故反映供水設施呈老化，要求改善。	水管有大量水不斷滲出並湧至附近去水渠。	街坊心聲 鄭小姐：「全個西貢全日都冇水用，我哋嗰晚都要排水車攞水！」

不過，記者於事故發生後第六日到場了解，發現涉事位置仍有大量食水湧出，流入山邊雨水渠，在旁的馬路亦有大攤積水。現場則仍有水務署職員於滲漏位置疊上沙包及維修，有職員更表示將可即晚修妥。惟記者其後再向村民查詢，發現涉事位置於多日後仍繼續有食水流出。

陳小姐：「水務署仲話要加水費，呢度啲水幾日嚟由朝流到晚都冇人理，真係好浪費！」

黃先生：「嗰日成日冇水用，真係好唔方便！」

「西貢好多供水設施都已經好舊，呢個濾水廠就有廿幾卅年歷史，我哋都擔心佢有老化迹象。」西貢區區議員李家良指出，區內接二連三發生水管滲漏及停水事故，不但浪費食水，亦反映區內水管已呈老化，認為當局有必要關注問題。

李又稱，供水暫停當日，西貢北港村以北、包括整個西貢市區亦受影響，不同位置約有十二至十六個小時無水供應，居民要靠水車取用食水，部分鄉村近日亦再次出現短暫停水問題。

撞正系統故障 鄉郊「被制水」

李家良續說，西貢區多個地方均屬鄉郊地帶，部分偏遠地區如上躉場及甲邊朗更因道路陡峭，水車難以到達，停止供水對居民影響極大，「好多呢啲村都係啲六、七十歲嘅老人家住，叫佢哋落山攞水都好辛苦！」李要求當局盡快就供水系統作出全面檢查，以改善情況。

記者：林松澧