政情：葉劉指鄭經翰袁彌明涉誹謗

發律師信促道歉

同時人民力量袁彌明（Erica）又將鄭經翰嘅發言片段放上YouTube。結果葉太睇完嬲到震，即刻出律師信畀鄭經翰及Erica，話言論涉及誹謗成分，要求兩人道歉兼刪除網上影片。

葉太話，由於呢啲言論涉及新民黨同佢個人聲譽，一定要搞清楚，只要兩人道歉及澄清就無問題，所以唔算係「告」佢哋。葉太仲話，由於YouTube係轉載媒體，所以都有發律師信畀YouTube，希望將片段立即刪除。

鄭經翰接受查詢時話，對葉太發律師信一事不予置評，只強調自己開咪所講嘅全部係公正評論，作為傳媒應該受到保護。