翁女士（市場營銷）：「一路都覺得香港樓價高得好癲，根本一般市民冇能力負擔，起碼跌百分之十先會考慮睇樓。希望政府可以幫吓首次置業嘅市民，畀啲優惠或資助。」
陳小姐（秘書）：「依家個樓價真係好高，慶幸自己幾年前已經買咗樓，層樓係自住，樓市升跌影響唔大，但都希望香港市民可以買到樓。」
劉先生（工程師）：「我覺得香港樓市仲會繼續升，地鐵愈來愈多，沿線嘅地區會愈來愈貴，唔係中上家庭根本唔會買到樓。自己唔會考慮喺香港置業，可能過多幾年喺加拿大買樓。」
