【本報訊】上月「減辣」建議出爐，重新撻着本港一、二手樓市，二手細價樓更是升市「火車頭」，各區二手交投全線彈起，癲價成交及排隊睇樓屢現，就連照顧基層住屋需求的公屋亦被搶爆。
沙田第一城向來是全港細價樓指標屋苑，美聯物業首席高級營業經理黃錦瀚稱，買家蜂擁搶盤下，沙田第一城兩房單位，現時交吉戶入場費由330萬元起，相對今年三月份類近單位298萬元成交。
現時全屋苑逾1萬個單位中，只有2個可以睇樓的兩房鎖匙盤，上月逾50宗買賣中，有近一半買家無睇樓就衝入市。同區的沙田中心兩房單位，日前以實用呎價約1.33萬元轉手，升穿去年高位，呎價之高震撼市場。
市區細單位亦被搶爆。位於港島東鰂魚涌的南豐新邨，為港島指標上車屋苑，其中有高層實用面積391方呎兩房單位，由於有樓睇，放盤後約三小時內，先後有40組客爭相睇樓，10組客出價爭盤，最近以485萬元成交。
私樓細價單位被搶至缺盤，買家轉買公屋，同時搶高樓價。利嘉閣地產報告指出，五月份全港錄62宗公屋二手買賣登記，比四月大升48%，宗數創出歷史第三高，涉及成交總金額達1.19億元，創下按月歷史新高紀錄，按月增62%，期內亦一口氣錄6宗樓價300萬元或以上公屋成交。