天悅邨亂晾衫 「萬國旗」飄揚
休憩處「萬國旗」飄揚不但有礙觀瞻，更影響市民使用設施。天水圍居民楊先生發現，每當陽光普照的日子，天水圍天悅邨停車場平台休憩處即有人晾曬衣物，不但阻礙市民晨運，更有礙觀瞻，「佢哋掛到周圍都係，搞到櫈都冇得坐，連內衣褲都掛埋出嚟，真係好惡心！」楊指晾曬人士擅自拉繩懸掛衣物，部分橫跨行人通道，阻礙行人通過，要求領匯加強管理。
市民促領匯積極清理
領匯發言人表示，天悅邨停車場平台位置屬頌富廣場管轄範圍。辦事處已在天台位置張貼告示，勸喻居民切勿違規晾曬，並已加強巡邏有關地點，有需要時將採取適當行動，包括清走晾曬物。
「佢哋啲告示貼咗好耐啦，都冇人理，佢哋應該搵人巡吓，叫啲人唔好曬！」楊先生批評領匯消極處理，要求積極巡邏及採取清走衣物行動。