郊野公園玩謝單車客

「有時一班人去都仲可以搵人睇住、放啲車喺出面，如果一個人踩都唔知點算，冇理由丟低部車喺出面唔理。」車友梁先生指出，除位於荃灣方向山腳的川龍有數間士多及茶樓外，在全長逾十一公里、蜿蜒上山的荃錦公路上，扶輪公園幾乎乃車友唯一的「補給站」，梁認為公園禁止遊人推車入內非常不便。

車價高昂 隨時被偷走

記者曾於周日到場了解，發現荃錦公路上不乏單車客，扶輪公園一帶於高峰期便有二、三十名車友入內使用廁所，以及購買飲品小食等。公園入口雖設有指示警告遊客不准攜車進入，但不少單車遊客對規定均全然不知。「我嘅理解係唔畀踩入嚟，推都應該得嘅！」鄭小姐指部分單車價格高昂，加上單車有時數量頗多，隨便擺放在馬路旁擔心對其他駕駛者構成危險，亦有被盜危機。

每逢假日都有不少遊客騎單車到訪大帽山。

車友心聲 梁先生（單車教練）：「可能佢係驚我哋入去會整爛啲草地，唔畀單車入都啱嘅，但就可以改善啲配套。」

漁護署發言人指出，根據法例，任何人除非另獲准許，否則不得在郊野公園內駕駛、使用或管有任何車輛或單車。不過，發言人補充，該署職員定期巡邏時，雖偶有發現遊人出於看管理由，在如廁時攜單車進入公園，但考慮到遊人實際需要，職員一般只會先作口頭警告，要求將單車移離公園範圍。發言人強調，當局正研究在適當位置增設單車停泊架，以照顧單車使用者需要，並減少對其他遊人的影響。

鄭小姐：「唔畀踩啫，推都應該得嘅，啲單車有時都唔平，放出面阻人仲危險。」

歐先生（阿俊）：「我知道公園唔畀單車入，如果一個人嚟可能寧願唔入去，搵個遠啲嘅廁所。」

「把劍喺佢度，我哋永遠唔知佢幾時執法會嚴謹、幾時會寬鬆。佢有職員喺度巡嗰陣，我哋都係入唔到去。」梁先生認為當局現有處理手法曖昧，「隻眼開、隻眼閉」做法無助解決問題。梁亦擔心單車泊架未能有效防盜，「就算鎖喺單車架，要偷嘅人一剪就冇喇，政府呢啲法例根本就係過時！」

議員促改善硬件配套

立法會交通事務委員會副主席范國威則認為，現有問題可循修例、執法及硬件配套方面研究解決。范坦言明白修例成本高昂，需時亦較長，故當局選擇放寬執法屬合理的臨時措施。范同時又促當局盡快研究改善公園硬件配套，並積極留意郊野公園其他地方是否存在類似問題，以方便日益增多的單車遊人。

記者：林松澧