政情：公民講場：葉劉鬧貪曾 大想頭遺禍

「貪曾」前特首曾蔭權爵士視納稅人血汗錢如糞土，除咗藉外訪之名豪花公帑去遊埠，亦好大喜功、大興土木搞埋啲十大基建項目，結果留低一堆蘇州屎禍延新政府。立法會議員葉劉淑儀尋日分別喺兩個唔同嘅會議上炮轟貪曾，狠批佢○七年推出十大基建，其後各項工程將啲資源同人手都拉到好緊，結果多項工程唔係延誤，就係超支，無論高鐵、西九文化區、蓮塘/香園圍口岸、英華女校擴建校舍樣樣如是，就連屋企啲裝修工程，都因為貪曾嘅十大基建令工程公司請唔到人而延誤喎。貪曾累人累物，唔怪得葉太要鬧完一鑊又一鑊喇！