流會恐釀法案延誤
鬍鬚曾由成日高呼「狼來了」嘅「守財奴」司長，進一步變身為預告「六月飛霜」嘅「末日博士」，香港人心血少啲都畀佢嚇死。
鬍鬚曾喺網誌第N次批評拉布，指日前立法會因「正盲毛」毛孟靜亂響鐘而意外流會，令議員唔見咗兩日寶貴嘅開會時間，情況可謂「雪上加霜」，擔心會令雙倍印花稅等重要法案延誤。
鬍鬚曾之後筆鋒一轉，談到去年底至今年初發生嘅北美大風雪，情況猶如《明日之後》內嘅情景，並導致美國首季經濟出現負增長；再加上歐洲經濟及多國政局不穩，亞洲多國亦問題多多，四月份本地零售銷售大幅收縮等，講到香港以至全球都好似世界末日咁，擺明靠嚇，真係令人好驚驚囉！