蛋糕藏異物 市民嚇餐飽
張先生早前在屯門一食肆購買一盒瑞士卷，準備翌日早餐時享用，未料進食時竟發現蛋糕內藏有多條疑為毛髮的異物，「突然咬到一啲好似頭髮啲嘢，真係即時反晒胃！」
食署取走樣本化驗
食環署發言人指出，已向投訴人收集個案資料及取走食物樣本作化驗，現正等候化驗結果。此外，該署已派員巡查售賣涉事食物的食肆，有關食肆衞生情況滿意。該署已提醒食肆負責人須時刻注意食物及環境衞生，採取措施防止食物內有異物，以確保食物安全。
「食落口嘅嘢要注重衞生先得，製造嘅過程真係要睇得緊啲！」張先生希望食環署正視跟進，加強監管食肆衞生情況，以進一步確保食物安全。